حملة اعلانية لمنتج VCola
إعلان V كولا: «الساعة ٢ بالليل» الفكرة مكتوب على علبة V كولا إنها من غير كافيين ونكهاتها طبيعية. ففكرت في اللحظة اللي الميزة دي بتفرق فيها: واحد صاحي الساعة 2 بالليل، عايز يشرب حاجة، ومش عايز يبوّظ نومه. أغلب إعلانات الكولا تلج وصب وانتعاش، وأنا عايز أطلع برة ده. القصة في 3 لقطات (14.5 ثانية، ستوري 9:16) التلاجة الساعة 2 بالليل: «الساعة ٢ بالليل…» على الكنبة والعلبة في إيده: «عايز تشرب حاجة… ومش عايز تبوّظ نومك؟» العلبة على الكومودينو وهو نايم ورا: «من غير كافيين. اشرب ونام عادي.» كارت أخير بصورة العلبة الحقيقية: «V كولا. نكهات طبيعية، ومن غير كافيين.» التنفيذ في مختبر إفهم الصور: Nano Banana 2.1 Edit. رفعت صورة وشي الأول، وبعدها صورة العلبة كمرجع، وطلبت إن الوش والعلبة يفضلوا زي المرجع بالظبط. الفيديو: Kling 3.0 Turbo، Image to Video، 5 ثواني لكل لقطة، والحركة بسيطة: الكاميرا بتقرّب بالراحة. الموسيقى: Eleven Music v2.5، لو فاي هادية بالليل. مشاكل قابلتني وحلّيتها إزاي الكلام على العلبة بيطلع ملخبط: خليت اللقطة من الوسط لفوق مش جسم كامل، عشان العلبة تبقى كبيرة. وحطيت نور حقيقي على العلبة (نور التلاجة والأباجورة)، لأن الضلمة بتبوّظ الكلام. العينين باظوا في فيديو التلاجة: الوش كان جنب، ولما لف للكاميرا الموديل رسم العينين غلط. استخدمت أول ثانيتين ونص بس اللي كانوا سليمين. وفي اللقطة اللي بعدها خليته باصص للكاميرا من الصورة نفسها، والحركة صغيرة من غير لف. مطلبتش إنه يفتح العلبة أو يشرب: دي أكتر حركة بتبوّظ الإيد والعلبة في الفيديو. المونتاج (برة المختبر) ركّبت اللقطات ورا بعض، وبين كل واحدة والتانية Fade سريع للأسود، والكلام بخط عربي عريض في الربع اللي فوق. والكارت الأخير اتعمل بصورة المنتج الحقيقية من غير توليد.
- من أعمالSameh Sherif
- نُشر في٢٤ أكتوبر ٢٠٢٦
- معرض الأعمالعدد الأعمال: ٢
- إعجابات٠

